Cheran

‘ஞாபகம் வருதே… ஞாபகம் வருதே…’ என்று சைக்கிளை மிதித்துக்கொண்டே பழைய காதலிகளைத் தேடிக் கிளம்பிய சேரன், இப்போது பிக்பாஸ் வீட்டுக்குள் என்ட்ரீ கொடுத்திருக்கிறார்.

தமிழ் சினிமா ரசிகர்களுக்கு சேரனை புதிதாக அறிமுகப்படுத்தத் தேவையில்லை. சேரன் யார் என்பதை வெற்றிக்கொடி கட்டு, பாண்டவர் பூமி, ஆட்டோகிராஃப் உள்ளிட்ட படங்கள் சொல்லும். முதல் படமான ‘பாரதி கண்ணம்மா’வில் தொடங்கி சமீபத்தில் அவர் இயக்கிய வெளியான ‘திருமணம் – சில திருத்தங்களுடன்’ வரை தனக்கே உரிய பிரத்யேக பாணியில் ஃபேமிலி ஆடியன்ஸை மட்டுமே நம்பி படங்கள் இயக்கி வருகிறார். அதற்குக் கிடைத்த அங்கீகாரம்தான் 4 தேசிய விருதுகள், 8 மாநில விருதுகள்.

சில வருடங்களுக்கு முன்பு இவருடைய மகளின் காதல் விவகாரம் பரபரப்பாகப் பேசப்பட்டது குறிப்பிடத்தக்கது.